ສະພາບຄ່ອງໂຕໃນຕະຫຼາດ Forex ແມ່ນຫຍັງ? – ເປັນຫຍັງສະພາບຄ່ອງໂຕຈື່ງສຳຄັນ?
ສະພາບຄ່ອງໂຕ (Liquidity) ເປັນໜື່ງໃນປັດໃຈທີ່ສຳຄັນທີ່ເຮັດໃຫ້ນັກລົງທຶນສ່ວນຫຼາຍມັກການເທຣດ Forex ເພາະຕະຫຼາດ Forex ມີປະລິມານການຊື້-ຂາຍ ຫຼາຍລ້ານໆ ລາຍການໃຫ້ນັກເທຣດໄດ້ຄວ້າຈັງຫວະເຮັດກຳໄລ ໂດຍສະພາບຄ່ອງໂຕເປັນສາເຫດທີ່ເຮັດໃຫ້ຕະຫຼາດນີ້ໄດ້ຮັບຄວາມນິຍົມຫຼາຍ ແລະ ມີແນວໂນ້ມໄດ້ຜົນຕອບແທນສູງ
ໃນຂະໜະດຽວກັນກໍຍັງມີປັດໃຈອື່ນໆ ທີ່ສົ່ງຜົນຕໍ່ການລົງທຶນໃນຕະຫຼາດ Forex ເຊັ່ນກັນ ເນື່ອງຈາກສະພາບຄ່ອງໂຕຢ່າງດຽວບໍ່ອາດຮັບປະກັນຄວາມສຳເລັດໃນການເທຣດໄດ້ສະເໝີໄປ ໂດຍສະເພາະຢ່າງຍີ່ງສຳຫຼັບ Day trade (ການເທຣດລາຍມື້) ແລະ ອາດແຕກຕ່າງກັນໄປຕາມສະພາວະຕະຫຼາດແຕ່ລະແບບໃນບົດຄວາມມື້ນີ້ ເຮົາຈະເວົ້າປະເດັນສຳຄັນກ່ຽວກັບສະພາບຄ່ອງໂຕໃນຕະຫຼາດ Forex ພ້ອມອະທິບາຍຄວາມສ່ຽງດ້ານສະພາບຄ່ອງໂຕ ແລະ ຫາຄຳຕອບວ່າສະພາບຄ່ອງໂຕສຳຄັນກັບການເທຣດ Forex ແນວໃດ
ສະພາບຄ່ອງໂຕໃນການເທຣດ Forex ແມ່ນຫຍັງ?
ສະພາບຄ່ອງໂຕ ໝາຍເຖິງ ຄວາມຕ້ອງການໃນການຊື້ ຫຼື ຂາຍສະກຸນເງີນແຕ່ລະໂຕນັ້ນເອງ ສົມມຸດວ່າທ່ານກຳລັງຊື້-ຂາຍ ໜື່ງໃນສະກຸນເງີນຫຼັກ ໝາຍຄວາມວ່າທ່ານກຳລັງເຂົ້າສູ່ຕະຫຼາດດ້ວຍສະພາບຄ່ອງໂຕທີ່ສູງຫຼາຍ ອີກທັງການເທຣດແຕ່ລະເທື່ອກໍຍັງຂື້ນຢູ່ກັບສະພາບຄ່ອງໂຕທີ່ສະຖາບັນການເງີນຈັດກຽມໃຫ້ ເຊິ່ງເຮັດໃຫ້ທ່ານສາມາດເປີດ ຫຼື ປິດອໍເດີ້ເທຣດໄດ້
ສິ່ງທີ່ເທຣດເດີ້ຄວນລະລຶກໄວ້ສະເໝີກໍຄືບໍ່ແມ່ນວ່າສະກຸນເງີນທັງໝົດຈະມີສະພາບຄ່ອງໂຕໃນລະດັບທີ່ເທົ່າກັນ ແຕ່ລະສະກຸນເງີນຕ່າງກໍມີລະດັບສະພາບຄ່ອງໂຕທີ່ແຕກຕ່າງກັນ ເປັນສາເຫດວ່າເປັນຫຍັງການເທຣດ Forex ຈື່ງຕ້ອງອາໄສກົນລະຍຸດການເທຣດຫຼາຍໆແບບ ໂດຍຄູ່ສະກຸນເງີນ
ທັງໝົດແບ່ງອອກເປັນ 3 ປະເພດຫຼັກ ໄດ້ແກ່:
- ຄູ່ເງີນຫຼັກ (Major currency) ໄດ້ແກ່ EUR/USD, USD/JPY, GBP/USD ເປັນຕ້ນ
- ຄູ່ເງີນຮອງ (Minor currency) ໄດ້ແກ່ EUR/GBP, EUR/JPY, GBP/CAD ເປັນຕົ້ນ
- ຄູ່ເງີນແປກໃໝ່ (Exotic currency) ໄດ້ແກ່ USD/HUF, USD/SEK, USD/THB ເປັນຕົ້ນ
ສັງເກດງ່າຍໆ ຄູ່ເງີນຫຼັກຈະມີສະພາບຄ່ອງໂຕທີ່ຫຼາຍກວ່າຂະໜະທີ່ຄູ່ເງີນແປກໃໝ່ຈະມີສະພາບຄ່ອງໂຕທີ່ຢາກວ່ານ້ອຍ
ຈະເປັນແນວໃດ? ຫາກການເທຣດມີສະພາບຄ່ອງໂຕສູງການທີ່ຄູ່ເງີນ “ມີສະພາບຄ່ອງໂຕສູງ” ໝາຍຄວາມວ່າຄູ່ເງີນດັ່ງກ່າວມີປະລິມານການຊື້-ຂາຍຫຼືວໍລຸ້ມທີ່ສູງນັ້ນເອງ ຈະເກີດຫຍັງຂື່ນ? ຫາກການເທຣດມີສະພາບຄ່ອງໂຕຕໍ່າແນ່ນອນ ສະພາບຄ່ອງໂຕທີ່ຕໍ່າໝາຍເຖີງ ຄູ່ເງີນທີ່ມີການ ຊື້-ຂາຍ ກັນໃນປະລິມານໜ້ອຍ ອາດມີຄວາມຜັນຜວນໜ້ອຍ ຫຼື ບໍ່ມີຄວາມຜັນຜວນເລີຍກໍ່ໄດ້ເຊັ່ນກັນ ເຊິ່ງຈະເຮັດໃຫ້ນັກເທຣດເສຍປຽບ ເນື່ອງຈາກບໍ່ມີໂອກາດທີ່ຈະເຮັດກຳໄລໂດຍອາໄສການປ່ຽນແປງຂອງລາຄາຢ່າງວ່ອງໄວນັ້ນເອງ
ປຽບທຽບການເທຣດ Forex ດ້ວຍສະພາບຄ່ອງໂຕສູງ vs ສະພາບຄ່ອງໂຕຕໍ່າ: 3 ປັດໃຈສຳຄັນທີ່ນັກເທຣດຕ້ອງຮູ້
ໃນຄວາມຄິດເຫັນຂອງນັກເທຣດມືອາຊີບ ການທີ່ຄູ່ເງີນ Forex ຂາດສະພາບຄ່ອງໂຕສົ່ງຜົນໃຫ້ການຄາດການທິດທາງລາຄາເປັນໄປໄດ້ຍາກ ມີໂອກາດທີ່ລາຄາຈະປ່ຽນ ທິດທາງແບບຄາດເດົາບໍ່ໄດ້ ສົ່ງຜົນໃຫ້ເກີດຄວາມວຸ້ນວາຍຂອງປະລິມານການຊື້-ຂາຍ
ໃນຂະໜະດຽວກັນ ຕະຫຼາດທີ່ມີສະພາບຄ່ອງໂຕເຮັດໃຫ້ລາຄາຄູ່ເງີນມີຄວາມເຄື່ອນໄຫວແບບຊັດເຈນ ໂດຍສະພາບຄ່ອງໂຕເປັນໂຕບົ່ງບອກວ່າຕະຫຼາດກຳລັງມີຄວາມເຄື່ອນໄຫວ ແລະ ໝັ້ນຄົງ ງ່າຍໃນການຈັດການຄວາມສ່ຽງໃນຂະໜະດຽວກັນ ໂອກາດທີ່ຈະເທຣດຜິດທາງ ຫຼື ພາດຈັງຫວະສຳຄັນໆ ໃນຕະຫຼາດທີ່ມີສະພາບຄ່ອງໂຕຕໍ່ານັ້ນມີສູງ ມາເບີ່ງ 3 ປັດໃຈສຳຄັນທີ່ນັກເທຣດ Forex ຄວນໃຫ້ຄວາມສົນໃຈ ໄດ້ແກ່:
ຊ່ອງວ່າງ Gap ໃນການເທຣດ Forex ຕະຫຼາດ Forex ມີຊ່ອງຫວ່າງ (Gap) ທີ່ແຕກຕ່າງກັບຕະຫຼາດ ການເງີນອື່ນໆ ໂດຍ Gap ລາຄາສ່ວນຫຼາຍເກີດຈາກຂ່າວທີ່ມີຜົນກະທົບສູງຫຼືການປະກາດການປ່ຽນແປງດອກເບ້ຍຂອງທະນາຄານກາງທີ່ເຂົ້າໄປແຊກແຊງໃນຕະຫຼາດສະກຸນເງີນ ຂໍ້ດີກໍຄືການຕະຫຼາດ Forex ມັກຈະມີ Gap ບໍ່ເກີນ ½ ຂອງມູນຄ່າສະກຸນເງີນເລີ່ມຕົ້ນ ເຊິ່ງເຮັດໃຫ້ການເທຣດ Forex ແບບ Day trade ແຕກຕ່າງຈາກການຊື້-ຂາຍ ຕາສານທຶນ ເຊີ່ງມີແນວໂນ້ມທີ່ຈະເກີດ Gap ລາຄາຂາຍສູງກວ່າ
ອິນດິເຄເຕີວັດສະພາບຄ່ອງໂຕ Forex
ໂບຣກເກີອອນລາຍທີ່ມີມາດຕະຖານ ຈະໃຫ້ບໍ່ລິການໂຕຊີ້ວັດສະພາບຄ່ອງໂຕຜ່ານວໍລຸ້ມໃນແພັດເທຣີນກຣາຟ Forex ເຊິ່ງນັກລົງທຶນສາມາດວັດສະພາບຄ່ອງໂຕຂອງຕະຫຼາດໄດ້ດ້ວຍເຄື່ອງມືຕ່າງໆ ທັງນີ້ ນັກເທຣດຈະຕ້ອງເຂົ້າໃຈວິທີການອ່ານ ແລະ ຕີຄວາມກຣາຟໃນຮູບແບບຕ່າງໆ ໂດຍໃນຖານະນັກເທຣດ Forex ທ່ານຈະຕ້ອງຖ້າວິເຄາະກຣາຟຢູ່ເລື່ອຍໆ ແຕ່ດ້ວຍການສະແດງຂໍ້ມູນວໍລຸ້ມໃນຮູບແບບຕ່າງໆເຮັດໃຫ້ການລະບຸປະລິມານການຊື້-ຂາຍສະກຸນເງີນພາຍໃນກອບເວລາຕ່າງໆສາມາດເຮັດໄດ້ງ່າຍຫຼາຍຂື້ນ
ຊົ່ວໂມງການຊື້-ຂາຍ ຕະຫຼາດ Forex
ທຸກທ່ານຄົງຊາບກັນດີແລ້ວວ່າຕະຫຼາດ Forex ເປີດໃຫ້ບໍລິການຊ່ວງເວລາໃດແນ່ ແຕ່ສຳຫຼັບໃຜທີ່ຍັງບໍ່ຮູ້ ທ່ານສາມາດເຮັດການຊື້-ຂາຂາຍ ໄດ້ເກືອບທຸກມື້ຕະຫຼອດ 24 ຊົ່ວໂມງ ຈັ່ງໃດກໍຕາມນັກເທຣດມືໃໝ່ຄວນຮູ້ວ່າປະລິມານສະພາບຄ່ອງໂຕຈະແຕກຕ່າງກັນໄປໃນແຕ່ລະຊ່ວງເວລາໂດຍສະເພາະຢ່າງຍິ່ງ ນັກເທຣດ Scalp ທີ່ຄວນຮູ້ວ່າຍາມໃດທີ່ປະລິມານການ ຊື້-ຂາຍ ຈະເພີ່ມຂື້ນຫຼືລົດລົງໃນລະຫວ່າງມື້ ຕົວຢ່າງເຊັ່ນ: ຮອບການເທຣດຕະຫຼາດເອເຊຍມັກຈະເປັນຊ່ວງທີ່ລາຄາມີການແກວ່ງໂຕໃນກອບ ໃນຂະໜະທີ່ລາຄາມັກຈະມີການເບຣກທະລຸກອບ(Breakout) ໃນຮອບການເທຣດຂອງອາເມລິກາຫຼືລອນດອນ ເຊິ່ງເປັນຊ່ວງທີ່ລາຄາມີການເຄື່ອນໄຫວຫຼາຍໃນລະຫວ່າງມື້.
ປັດໃຈທັງໝົດທີ່ກ່າວມາຂ້າງຕົ້ນຈະຊ່ວຍໃຫ້ນັກເທຣດສາມາດຈັບຕາການປ່ຽນແປງຂອງລະດັບສະພາບຄ່ອງໂຕເພື່ອຫາຈັງຫວະທີ່ດີທີ່ສຸດໃນການຊື້-ຂາຍໄດ້.
ຄວາມສ່ຽງ vs ຜົນຕອບແທນຈາກສະພາບຄ່ອງຖຕໃນຕະຫຼາດ Forex
ນັກເທຣດຈະຕ້ອງເຂົ້າໃຈຄວາມສຳພັນລະຫວ່າງຜົນຕອບແທນ ແລະ ຄວາມສ່ຽງໃນຕະຫຼາດ Forex ເນື່ອງຈາກປັດໃຈທັງສອງຢ່າງເປັນອັດຕາສ່ວນທີ່ກ່ຽວຂ້ອງກັນ ເວົ້າງ່າຍໆ ກໍຄື ຍີ່ງທ່ານກ້າຮັບຄວາມສ່ຽງຫຼາຍເທົ່າໃດຜົນຕອບແທນທີ່ໄດ້ກໍມີໂອກາດສູງເທົ່ານັ້ນ ໂດຍວິທີການທີ່ດີທີ່ສຸດໃນການຈັດການຄວາມສ່ຽງດ້ານສະພາບຄ່ອງໂຕຄືການຫລຸດອັດຕາເລເວີເຣດທີ່ໃຊ້ໃນການເທຣດຫຼືອີກວິທີຄືການຕັ້ງຄ່າຄຳສັ່ງຫຍຸດການຂາດທຶນ (Stop loss) ນັ້ນເອງ.
ມີນັກເທຣດມືໃໝ່ຈຳນວນຫຼາຍທີ່ເບີ່ງຂ້າມອັດຕາສ່ວນລະຫວ່າງຜົນຕອບແທນແລະຄວາມສ່ຽງຈາກສະພາບຄ່ອງໂຕເຊິ່ງເປັນເລື່ອງທີ່ຄວນໃຫ້ຄວາມສຳຄັນ ເນື່ອງຈາກເປັນອົງປະກອບສຳຄັນໃນການເທຣດ ລວມເຖິງການວິເຄາະຕະຫຼາດ ແລະຄາດການຄວາມເຄື່ອນໄຫວຂອງລາຄາໃນອະນາຄົດ.
